БНСУ-ын хамгийн алдартай жүжигчдийн нэг болох Жан Хёг Солонгосын JTBC телевизийн "Монгол дахь шуудан зөөгч" шоу нэвтрүүлгийн зураг авалтад оролцохоор дуучин, жүжигчин Хон Гён Мин, SBS телевизийн “Running man” шоуны од, жүжигчин Ким Жон күк, жүжигчин Хон Гюн,, “My Sassy Girl” романтик инээдмийн киногоороо олны танил жүжигчин, дуучин, найруулагч Ча Тэ-хёнь, “MBC 2021 award”-аас “Шилдэг залуу эрэгтэй жүжигчин” шагнал хүртсэн, энэхүү шоуны хамгийн залуу оролцогч Кан Хун нарын хамт Монгол улсад ирээд байна.

Уг нэвтрүүлэг нь энэ зун цацагдах ба жүжигчид морь унаж уудам, хээр тал, говь, хангай хосолсон байгалийн үзэсгэлэнт газруудаар аялж, илгээмж хүргэх ширүүн өрсөлдөөнд оролцох юм.

Жүжигчин Жан Хёг өмнө нь Монголд ирж байсан бөгөөд нүүдлийн соёл ахуйг ихээхэн хүндэтгэн үздэг нэгэн аж.

“Сэргэлэн охин Ян Сун” киноны Хан Ки Тэгийн талаарх 10 баримтыг хүргэе

1.Түүний жинхэнэ нэр нь Жон Юүн Жон

2.Тэрбээр 1976 оны арванхоёрдугаар сарын 20-нд төрсөн бөгөөд өдгөө 47 настай

3.Карьераа анх загвар өмсөгчөөр эхлүүлж байсан

4.Түүний анхны уран бүтээл нь SBS телевизийн "Модель" гэх драмагийн туслах дүр байсан бөгөөд 1997 оноос жүжигчний гараагаа эхлүүлжээ

5. Тэр зөвхөн драмад тоглоогүй бөгөөд өөрийн TJ Project рэп цомгоо гаргаж байсан. Өөрөө клипенд нь тоглож байсан ю

6. Түүнийг олны танил болгосон дүр нь Volcano High кинонд тоглосон явдал юм. Жүжиглэлт нь кино шүүмжлэгчдээс өндөр үнэлгээ авч байв.

7. 2002 онд Жу Ин Сонтой хамт тоглосон "Public Toilet" кино нь 2002 оны Венецийн кино наадмын дээд хэсэгт тусгай шагнал хүртсэн

8. Ази тивд түүний нэрийг алдаршуулсан уран бүтээл нь 2004 онд гарсан "Windtruck" юм. "My Sassy Girl" уран бүтээлийн хоёр дахь анги бөгөөд Солонгосын А зэрэглэлийн жүжигчин Жон Жи Хёнтой хамт тоглосон билээ. Эл кино нь Японд бүх баг үеийн хамгийн их борлуулалттай солонгос киноны нэг болсон юм.

9. Холливүүдэд дэбют хийсэн анхны кино нь "Dance of the Dragon" гэх 2007 онд гарсан уран бүтээл юм.

10. Тэрбээр 2002 онд найз охинтой болсон билээ. Нэрийг нь ККим Ёо Жин гэдэг. Түүний эхнэр нь пилатесын багш бөгөөд тэд фитнесс клубт танилцжээ. Тэд хуримаа 2008 онд хийсэн юм. Өдгөө гурван хүүхэдтэй бөгөөд хоёр хүү, нэг охинтой билээ. Хүүхдүүд нь 2008, 2009 болон 2015 онд төрсөн юм.

Д.Баттогтох

Эх сурвалж: Өдрийн сонин