Газар.

Хөрөнгө оруулалтын тухай хууль өөрчлөх далбаан дор газрын тухай хуулийн үг найруулгыг засаж Монгол Улсын нутаг дэвсгэрийн 100 жил гадаадын иргэнд худалдах гэсэн гэмт хэргийн шинжтэй үйлдлийг хүн бүр мартах учиргүй. Хэл. Дэлхийн царааг хэмжиж явсан агуу өвөг дээдсийнхээ бидэнд үлдээсэн амин дархлаа хэл соёл руу илт мохоох оролдлого эрчимжиж яруу баялаг төрөлх хэлээ дэлхийд сурталчилж дэлгэрүүлэхийн оронд Англи хэлийг шүтэж, "Үнэгүй боловсрол" нэрээр хуульд заасан нь цаагуураа их гүрний бодлого.

Хил.

Сүүлийн үед элдэв өнгийн туг бичиг барьж, Монгол Улсын хувь заяа, түүх,оршихуй, тусгаар тогтнол, газар нутаг, соёл уламжлалын тухай дур мэдэн өөрсдийн ухвар санааг нийтэд турхирдаг хүмүүс тодорхой хатгалга, санхүүжилттэйгээр үе үе гарч ирэх боллоо. Тэдний үйл ажиллагааны цаана эх орноо гэх сэтгэл огт харагдахгүйгээр үл барам хорт санаа өнгөлздөг нь ҮАБ-д нөлөөлж болзошгүй. Өнөө үед аливаа улсын хил хязгаарт гаднаас цэрэглэн халдахаас гадна дотроос нь өмлөн хуваах, бутраан сарниулах, үнэт зүйлийг мартагнуулах, алдагдуулах, гутаах гэх мэт хорлонтой үйл ажиллагаагаар тусгаар тогтнолынх нь тулгууруудыг хэврэгшүүлэх байдал илт ажиглагдах болжээ.

Монголчууд түүхийн олон даваа нугачааг давж, түүх соёл тусгаар тогтнол үнэт зүйл уламжлалаа хадгалж өдий хүртэл оршсон том үндэстэн. Бидний өвөг дээдсийн өвлүүлсэн гайхамшигт бүгдийг өөрсдийнх мэт дураараа өмчлөх, газар нутаг, байгалийн баялагт шунах гадаадын бодлого эрчимжиж түүнийг гүйцэлдүүлэгч дотоодын урвагчид илтэдсэн. Төрийн үйл ажиллагаа ч сулавтар болсны гайгаар олныг бухимдуулсан элдэв хуулийн төсөл эрээ цээргүй шургалах бэрх цагт хүн бүхэн нэгийг бодож хоёрыг тунгаан дотроо ухаантай дороо бат суурьтай байж үр хүүхдээ Монгол сэтгэлгээ, хүмүүжил, дархлаатай хүн болгож өсгөх нь эх орондоо оруулах том хөрөнгө билээ.