Үндсэн хуульд өөрчлөлт оруулж, УИХ-ын гишүүдийн тоог нэмсэн. Үүнтэй холбоотойгоор 2024 оны УИХ-ын сонгуулийн дараа 126 гишүүнийг Төрийн ордонд хэрхэн багтаах вэ гэсэн асуудал үүссэн. Үүнтэй холбоотойгоор Төрийн ордны баруун талд байрлах Хууль зүй, дотоод хэргийн яамны харьяа Хууль зүйн үндэсний хүрээлэнг татан буулгаж, чиг үүргийг нь УИХ-ын Тамгын газарт нэгтгэх шийдвэр гаргасан юм. Улмаар тус хүрээлэнгийн байрыг ирэх найдугаар сарын 1-ний дотор УИХ-ын Тамгын газарт шилжүүлэн өгөхөөр болжээ. 2024 оны сонгуулийн дараа УИХ-ын Тамгын зарим ажилтныг Хууль зүйн үндэсний хүрээлэнгийн байранд суулгахаар төлөвлөжээ.Мөн Үндэсний аюулгүй байдлыг зөвлөлийн ажлыг албыг Их тэнгэр лүү нүүлгэж байгаа юм.

Эх сурвалж: Polit.mn