Булган аймгийн Сайхан сумын Угалз багийн "ХУНТ" нуурын шаварт биеэ эмчлэхээр орсон иргэн живсэн харамсалтай хэрэг гарчээ. Тодруулбал, хэргийн тухай дуудлага наймдугаар сарын 11-нд ирсэн байна. Тус аймгийн Онцгой байдлын газраас Эрэн хайх аврах, салбар Булган аймаг дахь Цагдаагийн газрын алба хаагчид наймдугаар сарын 13-ны өдрөөс "Хунт нуур"-ын усанд эрэн хайх ажиллагааг зохион байгуулж, 41 настай эрэгтэйн цогцсыг 2.5 метрийн гүнээс гаргаж, Цагдаагийн байгууллагад шилжүүлэн өгсөн байна.