Нийслэлийн Сонгинохайрхан дүүргийн 29 дүгээр хороонд 15 настай М амиа хорлохыг завдсан хэрэг гарчээ.

Тодруулбал, амиа хорлох зорилготой утсаар холбогдсон дуудлагыг өчигдөр буюу наймдугаар сарын 14-ний өдрийн 21.52 цагт Онцгой байдлын газар хүлээн авсан байна.

Улмаар нийслэлийн Аврах ангийн алба хаагчдыг очиход иргэн М 10 давхрын орцны цонхон дээр сууж байсныг 20 минут ажиллаж эсэн мэнд буулгажээ.

Тус иргэнийг Сонгинохайрхан дүүргийн Цагдаагийн III хэлтсийн эргүүлийн офицерт хүлээлгэн өгсөн байна.