Энэ оны эхний хагас жилийн байдлаар аялал жуулчлалын чиглэлээр үйл ажиллагаа явуулж буй ААН-үүд 63.6 тэрбум төгрөгийн татвар төлжээ.

Монгол Улсын Засгийн газраас аялал жуулчлалын салбарыг эдийн засгийн тэргүүлэх чиглэл болгож 2023-2025 оныг “Монголд зочлох жил” болгон зарласан юм. Уг ажлын хүрээнд 2023 онд нэг сая жуулчин хүлээн авах зорилт тавьсан бөгөөд өнөөдрийн байдлаар Монгол Улсад 39,3461 жуулчин ирсэн байна.

Аялал жуулчлалын чиглэлээр үйл ажиллагаа явуулдаг аж ахуйн нэгж, зочид буудлын үйлчилгээ эрхлэгч байгууллагуудын татвар төлөлтийн байдлыг сүүлийн 3 жилээр авч үзвэл:

• 2019 онд 1320 байгууллага 87.1 тэрбум төгрөг,
• 2020 онд 1348 байгууллага 47.1 тэрбум төгрөг,
• 2021 онд 1401 байгууллага 65 тэрбум төгрөг,
• 2022 онд 1637 байгууллага 94.2 тэрбум төгрөг,
• 2023 оны эхний 6 сарын байдлаар 1,376 байгууллага 63.6 тэрбум төгрөгийг Улсын төсөвт оруулжээ.

2023 оны хагас жилийг өмнөх гурван жилийн энэ үетэй харьцуулахад татварыг орлого нэмэгдэж, давах үзүүлэлттэй байна.