Наймдугаар сарын 10-нд Хөвсгөл аймгийн Цагааннуур суманд Өмнөд Солонгос Улсын хоёр иргэн усанд живж, амь насаа алдсан харамсалтай хэрэг гарсан. Тухайн иргэд Хөвсгөлийн тайгаар аялж явах үед хоёр нь Цагааннуур сумын нууранд унаж амиа алдсан. Уг хэргийн талаар эх сурвалжийн мэдээлж байгаагаар тухайн аяллын баг нь 10 гаруй хүнтэй сумын жуулчны бааз дээр байршин амарч байсан байна.

Харамсалтай нь амь насаа алдсан жуулчдын нэгнийх нь хүүхэд ус руу гүйж аав нь араас нь очиж ус руу хөл алдаж живсэн бол найз нь түүнийг аврахаар ороод гарч ирж чадаагүй гэдгийг нутгийн иргэд хэлж байна. Осол гарах үед тухайн орон нутгийн холбогдох аврах багийн албан хаагчид аврах боломжгүй нөхцөл үүссэн байсан гэнэ. Иймд ослын дараа онцгой байдлын алба хаагчид ирж, цогцсыг нуураас гарган авсан байна.

Эх сурвалж: Arslan.mn