Талийгаач С.Алунгуаг дайрсан гэх жолоочийн өмгөөлөгч Х.Ундрах-Оргил мэдээлэл хийлээ.

Тэрээр : "Зариг сайтын сэтгүүлч Н.Өнөрцэцэгийн ярьж байгаа зүйл нь худал, өмгөөлөгч намайг болон миний үйлчлүүлэгчийг илтэд худал гүтгэсэн шинжтэй байна. Миний үйлчлүүлэгчийг талийгаачийн ар гэрт мөнгөн тусламж өгөөгүй гэж ярьж байгаа. Оршуулгын зардалд 100 төгрөг ч өгөхгүй гэсэн гэж ярьсан байсан. Миний үйлчлүүлэгч зам тээврийн осолд холбогдсон үеэсээ л талийгаачийн ар гэрийнхэнтэй байнга очиж уулзаж уучлалт гуйж, сэтгэлийн дэм үзүүлж байсан.

Өмгөөлөгчтэй ярилцаад, өөрөө тэтгэврийн зээл аваад, мөн хүүхдүүдээсээ мөнгө цуглуулж нийтдээ 10 сая төгрөг бэлдчихсэн байсан. Ингээд хэргийн дүгнэлттэй танилцсан өдөр хууль ёсны төлөөлөгч гэх н.Эрдэнэбаатар гэж залуу байсан. Түүнд хандаж миний үйлчлүүлэгч харамсалтай зүйл болсонд эмгэнэл илэрхийлье.

Талийгаачийн ар гэрт 10 сая төгрөг өгье гэхэд бид нар 10 сая төгрөг авахгүй гэсэн. Тэгвэл танд ямар санал байна гэхэд хүүхдүүдийн тэтгэмж, хашаа байшин авна гэж хэлсэн.

Хэрэг шийдэгдэж дуусаагүй байхад хүүхдийн тэтгэмжийн талаар шийдэх боломжгүй учраас одоогоор 10 сая төгрөг өгье гэхэд та нарыг ална, өмгөөлөгчөө чамайг хаа явахыг чинь харнаа, монголын нутгаас холдохгүй шүү гэх зэргээр дайрсан.

Ингээд тухайн газраас би явсан. Үүний дараа үйлчлүүлэгчийг маань дарамталж, та 30 сая төгрөг өгчих, тэгээд хоёулаа салья гэдэг зүйлийг ярьсан байсан. Ингээд миний үйлчлүүлэгч надтай яриад би машинаа өгье гэж хэллээ, машиныг маань авна гэж байна гэдэг зүйлийг надад хэлсэн. Миний зүгээс нэгэнт хохирол төлж байгаа бол хуулийн байгууллагын хяналтанд төлбөрийг шилжүүлэх нь зүйтэй гэж зөвлөсөн. Гэтэл н.Эрдэнэбаатар гэж хүн 10 сая төгрөг авах боломжгүй, та нарыг цахим орчинд зураг хөрөгтэй чинь оруулна. Яахыг нь хараарай гэсэн. Ийм л зүйл болсон." гэв.

М.Чой