Өнгөрөгч долоодугаар сарын эхээр нийслэл хотод үргэлжлэн орсон борооны улмаас хэд хэдэн газар үерт автсан.

МҮЭ-ийн холбооноос Нийслэлийн Онцгой байдлын газарт эд материалын дэмжлэг үзүүлэн ажиллахын зэрэгцээ үерт нэрвэгдсэн үйлдвэрчний эвлэлийн ажилтнуудад нэг удаагийн буцалтгүй мөнгөн тусламж үзүүлэхээр шийдвэрлээд байсан юм.

Энэ хүрээнд МҮЭ-ийн холбооны удирдлагууд өнөөдөр үерт нэрвэгдсэн нэр бүхий долоон ажилтанд нэг удаагийн буцалтгүй мөнгөн тусламжийг гардуулан өглөө.

Эх сурвалж: Монголын Үйлдвэрчний Эвлэлийн Холбоо