Үнэлэмжээ нэмэгдүүлэхээр харьяа яам, холбогдох эрх бүхий газруудаас шаардлага тавиад байгаа багш нарын асуудал нийгмийн хурцадмал дүр төрх болж байна. Боловсролын сайд Л.Энх-Амгалан багш нарын цалин 1 сая төгрөгөөс эхэлнэ,дунджаар 2,3 сая төгрөгийн цалинтай байна гэхчлэн мэдэгдээд байсан бол өнөөдөр сургуулийн өмнөх боловсролын багш нарын цалин 1 сая төгрөг хүрэхгүй,хувийн цэцэрлэгүүдийн цалин үндсэн багшийнх 900 мянга, туслах багшийнх 720 мянган төгрөг байгаа аж. Энэ бол НДШ төлөгдөөгүй дүн бөгөөд хэрвээ суутгагдвал 500 мянга руу орох юм. Гэтэл үнийн өсөлт, эдийн засгийн өсөлтгүй байдал багш нар бүү хэл улс орны хэмжээнд хямралтай хэвээр байгаа нь бухимдал газар авах хурдасгуур болжээ.

Багш нарын цалин нэмэгдэхгүй, амьдралд нь ч хүрэлцэхгүй хэвээр атал салбарын сайдын ажилдаа хайнга мэдэгдлүүдээс болж багш нар ажил хаялт зарлахаа хүртэл мэдэгдээд байна.Өөрөөр хэлбэл улс орны боловсролын салбарыг нуруун дээрээ үүрдэг багш нар гагц цалингаа нэмэгдэхийг бус нийгэм дэх үнэлэмжээ нэмэгдүүлэх салбарын шинэчлэлийг тогтолцооны цар хүрээтэй уялдуулахыг ул суурьтайгаар шаардаж байна.

Багш нарын тавиад гол асуудал нь “гүйцэтгэлийн үнэлгээ” гэгчээр багш нарт шилний цаанаас модон чихэр долоолгохтой адилхан хуурмаг зүйлээр цалингийн хэмжээг огт нэмэгдүүлж, ажиллах нөхцөлийг бүрдүүлж, боловсролын салбарт зөв бодлого тусгагдсан гэж огт харагдахааргүй байгааг шүүмжилж байна.

Сайд нь өрнөөс өрний хооронд дөнгөн данган амь зогоож буй нийгмийнхээ бодит байдлыг ч мэдрэхгүй “...хөнжлийнхөө хэрээр хөлөө жийх хэрэгтэй,багш нарын цалинг 1000 доллар хүргэх боломжгүй” гэчихсэн нь илтэд дээрэнгүй хандаж, салбарынхнаасаа нүүр буруулсан хэрэг гэж үзэж байгаа ажээ. Багш нарын цалин нэмэхэд ердөө 400-500 тэрбум төгрөг хэрэгтэй

Гэтэл автобусны хулгай 420 тэрбум, ЖДҮ хулгай 2 их наяд, хөгжлийн банкны хулгай 10 их наяд, нүүрсний хулгай 50-100 их наяд юм.

Багш нар ч өдөр шөнөгүй ажилладаг хүнд хөдөлмөрийнхөө хажуугаар өрх гэрийнхээ амьдралыг авч явах үүрэгтэй учраас боловсролын салбарт хүчин зүтгэхээс гадаадад хөлсний ажил хийх нь амьдралд нь нэмэртэй учраас болж өгвөл гадагшаа гарч ямар ч хамаагүй ажил хийж мөнгө олохыг илүүд үзэх болсон нь гашуун үнэн. Иймдээ ч хэвлэлийн хурлын үеэр “сайд аа цалин нэмж чадахгүй бол бидэнд Солонгосын виз гаргуулж өгнө үү” гэж шаардсан билээ.

Д.Энхбат