Өмнөд Солонгос улсад суугаа Монгол Улсын Элчин сайдын яамны ажилтан согуутаагаар тээврийн хэрэгсэл жолоодсон байж болзошгүй нөхцөл байдал илэрсэн талаар тус улсын хэвлэл мэдээллийн хэрэгслээр мэдээлжээ.

Тодруулбал, энэ сарын 9-ний өдрийн өглөө Сөүл хотын ЁнДёнпогийн цагдаагийн газарт "Хар өнгийн микроавтобус хурдны зам дээр хурдтай давхиж, үе үе хүчтэй тоормослон явж байна" гэх дуудлага мэдээллийн дагуу шалгахад БНСУ-д суугаа Монгол Элчингийн ажилтан согтуугаар тээврийн хэрэгсэл жолоодсон нь тогтоогджээ.

Тухайн шалгалтын үеэр ЭСЯ-ны консулын ажилтан хүрч ирээд зөрчил гаргасан жолоочыг авч явжээ.

Тухайлбал, гаднын улсад амьдарч буй дипломатчид болон тэдний гэр бүлийнхэн тухайн улсад эрүүгийн хариуцлага хүлээлгэх журамд хамрагдах боломжгүй байдаг тул согтуугаар тээврийн хэрэгсэл жолоодсон тохиолдолд шийтгэл ноогдуулах хүндрэлтэй байдаг талаар бичсэн байна.

Эх сурвалж:Арслан.мн