Төрийн үйл ажиллагааны үндсэн зарчим алдагдаж, нийгмийн хямралыг гэтлэх ямар нэг бодлого тогтвортой урт хугацаанд хэрэгжиж чадалгүй улс төржилтийн золиосонд нийтийн эрх ашиг хохирдог байдал үргэлжилсээр байна.

Дотоодын нийт бүтээгдэхүүнийг нэмэгдүүлэх зорилтод хүрэх хэмжээний засаглалын чадамжтай улс төрийн хүчин үгүйлэгдэж байна. Үйлдвэрлэлгүй эдийн засгийн тэтгэж байгаа худалдааны салбар нь татварын дарамтаас гарч чадахгүй, жижиг дунд бизнесүүд өндийж амжилгүй харгис бодлогод золиослогдох тусам өрхийн амьжиргааны түвшин нэн доройтжээ.

Дэлхийн банк, гадаад дотоодын байгууллагууд, судлаач, ажиглагчдын нөхөрсөг зөвлөгөөгөөр Монголын төр иргэддээ тэгш боломж олгохгүйгээр ямар ч сайн засаглал, хэчнээн сайн хуулийн гарц гаргалгаа хэрэгжүүлээд үр дүнгээ өгөхгүйг хэлж байна. Товчоор бол авлигалыг бууруулж, албан тушаалтнуудын гэмт хэргийг нуун далдлахыг урьтал болголгүй тэдэнтэй шийдвэртэй тэмцсэнээр хонгилын үзүүрт гэрэл гарах ажээ.

Хэрвээ ардчиллын зарчмаас ухарсаар байвал хөгжлийнхөө замаас хазайж төөрсөөр байх болно