Ардчиллын ууган хүүхэд Ардчилсан нам нэг л сулдай байна. УИХ-д суудалтай, орон нутагт засаглалтай үндэсний хэмжээний нам атлаа үлбэгэр нунж дорой байдлаасаа гарч чадахгүй байгааг гишүүд нь шүүмжилдэг. Өөрөөр хэлбэл улс төрийн рейтинг нь унаж гэмт хэрэгт холбогдсон хүмүүсийг намынхаа толгойд залчхаад өөрсдөө “Дээд шүүх”-аас билбүүрдэх нь хаанахын ёс бэ? Олны хүч оломгүй далай гэдэггүй билүү. Хэрвээ сөрөг хүчний байр сууриа ч хамгаалж дийлэхгүй өнөөгийн байдлаараа сонгуульд орж ялагдвал хожим ялаа хэн нь үүрэх билээ?

Өрийн дарамтгүй Монгол үндэсний хэлэлцүүлэг хийх нь зөв. Гэхдээ ганцхан өр шир ярьдаг жижиг нам биш байлтай. Үндэсний аюулгүй байдлын хэмжээний асуудлууд байнга сөхөгдсөөр баримтууд хөвөрсөөр байхад амаа үдүүлсэн аятай ганцхан асуудлаар гонгиноод галын наадам хийж мунгинаад байх ямар шаардлага байна?