Үндэсний шуудан сонины 2011 оны 2-р сарын 10-ны дугаарт “2017 оноос нийслэл хотынхон метрогоор зорчиход бэлэн болох ба бүх тооцоо судалгаа хийгдэж, Солонгосын талтай тохиролцсон. lRT загварын метро Монгол орны цаг уур, иргэдийн амьжиргаа, орчин нөхцөлд яг тохирно…” хэмээн бичигдэж. Товчхондоо төр, засгийн эрх мэдэлтнүүд ийм амлалт, мэдээлэл өгч байсан.

Тухайн үед Сүхбаатарын Батболдын Засгийн газар МАХН-тай эвсэж засаглан, хотын даргаар - Гомбосүрэнгийн Мөнхбаяр (2008 -2012) ажиллаж байжээ. “...ТЭЗҮ-д барилга угсралтын ажил 2011-2017 онд явагдаж, 2018 онд ашиглалтад орох ба 2011 оноос 2047 оны санхүүгийн дүн шинжилгээг хийсэн байна.

Зорчигчдын тоо нь 2018 онд өдөрт 133,515 байх боловч жилээс жилд өссөөр 2030 онд өдөрт 172,377 болсноор 2047 он хүртэл тэр хэмжээнд байх юм. Метроны тасалбарын үнийг ТЭЗҮ хийж байсан тухайн үеийн автобусны үнээр буюу 300 төгрөгөөр тогтоон тасалбарын орлогын тооцоог хийсэн байна. Үйл ажиллагаа алдагдалтай явагдах ба зорчигчдын тоо хамгийн их байх 2030 оноос хойш ч жил бүр 200 сая төгрөгийн алдагдалтай ажиллахаар байна…”

Эх сурвалж：УБ хотод метро барих төслийн ТЭЗҮ-ний эцсийн тайлан 2011он 6-дугаар сар, УБ хот