Арваннэгдүгээр сарын 24-ний баасан гарагт болох зарим үйл явдлын тойм.
9.00 цагт: Үй Цай сургуулийн урлаг соёлын танхимд “Эзэн заяа-11” яруу найргийн наадам болно.

10.00 цагт: Туушин зочид буудлын 4 давхрын “Сүлд” танхимд Жендэрийн үндэсний хорооноос “Жендэрт суурилсан хүчирхийлэлтэй тэмцэх 16 хоногийн аян”-ы нээлтийн хэвлэлийн хурал болно.

13.00 цагт: НЕБ-ын лаборатори 151 дүгээр сургуульд “Эрх чөлөө, тусгаар тогтнолын үнэ цэн” өдөрлөг болно.

13.00 цагт: Үй Цай сургуулийн урлаг соёлын танхимд “Дөрвөн цагийн тал” дуун цэнгүүн болно.

16.00 цагт: Миллениум плаза 6 давхарт Ballroom танхимд Монголын залуучуудын эвсэл ТББ-аас “Би сайн дурын ажил хийдэг, харин Та?” хэлэлцүүлэг зохион байгуулна.

20.00 цагт: Хүн театрт "Дэлхий" хамтлагийн "ОНГОД" хоёр дахь бие даасан тоглолт болно.

-Монголбанкнаас сэтгүүлчдийн дунд Төв банкны үйл ажиллагаа, мөнгөний бодлогын боловсруулалт, төлбөрийн систем зэрэг асуудлаар бүтэн өдрийн сургалт зохион байгуулна.

-Ардын багш, Соёлын гавьяат зүтгэлтэн, доктор, профессор Л.Дашнямын мэндэлсний 80 насны ойн эрдэм шинжилгээний хурал болно.

-Байгалийн түүхийн музейд “Монголын эртний далайн амьдрал-эрдэмтэн, профессор Ч.Минжингийн палеонтологийн шинжлэх ухаанд оруулсан хувь нэмэр” тусгай үзэсгэлэнг нээнэ.

-Богд хааны ордон музейд “Хорин нэгэн дара эхийн чуулган-Өндөр богдын өв” “Бурхан багшийн цахиур эрдэнэ” тусгай үзэсгэлэн үргэлжилнэ.

-Их Британийн Лондон хотын Вест Энд-ийн Колесиум театрт: Монгол Улсын Ардын уран зохиолч Б.Лхагвасүрэнгийн бүтээл “Тамгагүй төр” буюу “Монгол хаан” жүжгийн тоглолт үргэлжилнэ.