40 их наяд төгрөгийн нүүрс алдагдаад байгаа тухай мэдэгдсэнээс хойш энэ тухай асуудал бараг мартагдахдаа тулж сонсгол хийлгүй дуншсаар өдий хүрсэн ч арай гэж нүүрс хулгайлагдсан эсэх асуудлаар нийтийн сонсгол явуулж эхэллээ. Гэвч асуудалд өрөөсгөл, шударга бус хандаж байгаа нь зарим талаар эргэлзээ төрүүлж байна. Эрх баригч намын хэт олонх үед гарсан уг хэрэг дээр сөрөг хүчний УИХ-ын гишүүдийг нэр заан буруутгахын дээр асуудалд анхнаасаа хойрго хандаж, найруулга тун тааруулсан улс төрийн хор, дэглэлт нь тохирсон жүжиглэлтээр эхэлсэн учраас яг бодит байдалд дүгнэлт өгөх эрт бөгөөд хэцүү байна.