Ойрын өдрүүдэд нийслэл хот хүйтэн, цас, салхитай агаар цэвэр шахуу байгаа ч иргэдийн бухимдлыг бинзен шатахууны хомсдол улам нэмэгдүүлж байна.Шатахуун түгээгүүрийн уулзваруудаас эхлээд багадаа л 1 км үргэлжилсэн урт цуваа үүссэн өдрүүд өнгөрч байна. Хүйтэн тачигнаж дүн өвлийн жавар хангинахын хэрээр ажил бизнестээ автомашинаар амжуулах хэрэгцээ улам нэмэгдсэн нь ойлгомжтой: Гэхдээ УУХҮЯ-ны сайд Ж.Ганбаатарын “Колонкуудаас их хэмжээгээр нь авч, цаашаа дамлаж зарах процесс байна. Өнөөдрөөс эхлэн Улаанбаатар хотоос ямар нэгэн захиалга, бичиггүйгээр дизель түлш гаргахыг хориглоно. Улаанбаатар хотод гүнийн гааль бүгд хийгдэж байна.

Хөдөө орон нутгаас дизель түлшийг худалдах зорилготойгоор гаргахыг хориглож байна. Бид бүхэн нийлүүлэлтээ нэмэгдүүлнэ. Зохицуулалтаар тусгай зөвшөөрөл өгч, шаардлагуудыг хангасан тохиолдолд тусгай зөвшөөрлөөр явдаг зохицуулалттай салбар юм. Төр зохицуулалтаа хийхээр харьцангуй тогтворжино гэж бид бүхэн бодож байна. Бусад улсууд энд үүсэж байгаа асуудлыг хамтаараа даван туулж байна. ОХУ-ын энэ хориг бол ганцхан Монголд тавьсан хориг биш.

Дэлхийн үнийн өсөлт бусад улс оронд мөн адилхан байна. Дэлхий нийтэд дизель түлш болон шатахууны үнэ маш ихээр унаж байна. Арваннэгдүгээр сард ОХУ нийлүүлж байсан шатахууны үнэ тонн нь 930 доллар байсан. 12 сард 855 доллароор манай улс авч байна.

БНХАУ-аас 1080 доллароор авч байна. АИ-92 н хувьд сүүлийн гурван хоног иргэдийн оочир дараалалтай хүндрэл үүссэн. Бид бүхэн яаж шийдвэрлэх вэ гэхлээр ОХУ-аас өнөөдрийн байдлаар Ангаский үйлдвэрээс АИ-92 голцуу нийлүүлдэг.” Гэх мэдэгдэл нь шатахууны хомсдолын учир шалтгааныг тайлбарласан ч менежментийн бодлогын бурууг ард түмэн рүү тохоох гэсэн зарим нэг хандлага ажиглагдаж байгаа юм. Тухайлбал “Иргэд банкаа дүүргэхгүй бол шатахуун хомсдохгүй” гэх агуулгатай зүйл ярьсан нь ёс зүйгүй асуудал хэмээн шүүмжлэгдэж байна.

Д.ЭНХБАТ