Онц ноцтой гэмт хэргийг 18 жилийн дараа илрүүлсэн талаар ЦЕГ мэдээлжээ.

Тодруулбал тус газар: "Эрүүгийн цагдаагийн албаны Хүнд гэмт хэрэгтэй тэмцэх хэлтсийн алба хаагчид Баянгол дүүргийн 11 дүгээр хороо үерийн далан дотроос 2005 оны 12 дугаар сарын 17-ны өдөр иргэн Б-ийн цогцос олон тооны шархтай олдсон, мөн тус дүүргийн 11 дүгээр хорооны жалганд 2006 оны 11 дүгээр сарын 21-ний өдөр иргэн О-г онц харгис хэрцгий аргаар хүчиндэж, амь насыг нь хохироосон хэргүүдийг илрүүллээ.

Хэргийг удаа дараа ял шийтгүүлж байсан “Э” гэгч үйлдсэн болохыг 18 жилийн дараа нөхөн илрүүлж, мөрдөн шалгах ажиллагааг явуулж байна" гэсэн байна.