Монголын олон суваг дамжуулагчдын холбооны бизнесийн зөвлөлийн төлөөлөл Монгол Улс дахь суурин зохицуулагч ноён Тапан Мишратай уулзаж, хамтын ажиллагаа өргөжүүлэхээр тохиролцлоо.

Тус холбоо нь нэгдсэн үндэсний байгууллагын хөгжлийн систем, өөрчлөлт шинэчлэлтийн үндсэн зорилго “ТОГТВОРТОЙ ХӨГЖИЛ 2030” хөтөлбөрийг дэмжин хамтран ажиллахаар болсон байна.

Мөн “НОГООН ИРЭЭДҮЙГ ХАМТДАА БҮТЭЭЕ” зорилтот хөтөлбөрийн хүрээнд өнөөгийн боломж, бололцоогоо өргөжүүлэн тухайлсан сэдвүүдийг онцолж ажиллана гэдгийг тодотгож байлаа. Тодруулбал, Цөлжилт, ган ганчиг, бэлчээрийн даац, малчдын аж амьдрал, хүүхэд залуус, соёл, боловсролд чиглэсэн контент бүтээх, түгээх кампанит ажлыг зохион байгуулах юм байна.