Тайландын Хойд нутгийн Чиан Рай хотын давж заалдах шатны шүүх ардчиллын төлөө тэмцэгч 30 настай Монгкол Тиракотод фэйсбүүк хуудсандаа хаант засаглалыг шүүмжилсэн гэх үндэслэлээр 50 жилийн хорих ял оноолоо. Анхан шатны шүүхээс түүнд 28 жилийн ял оноосон ч давж заалдах шатанд дахин 11 зүйл ангиар гэм буруутай гэж үзжээ. Хувцасны онлайн дэлгүүртэй Монгкол анх 2021 онд улс төрийн хоригдлуудыг суллахыг шаардсан жагсаалын үеэр баривчлагдсан байна.

Хаант засаглал болон хааны гэр бүлийн нэр хүндийг хамгаалах хатуу хууль Тайландад үйлчилдэг юм. Монгкол Тиракотоос өмнө 2021 онд нэгэн эмэгтэй хаант засаглалыг шүүмжилсэн хэргээр 43 жилийн ял сонсож байжээ .