Сүүлийн үед цахим орчинд "Байр, орон сууц түрээслүүлнэ" гэх зар мэдээллийг байршуулан иргэдэд хуурамч бичиг баримт, хуурамч үл хөдлөх хөрөнгийн гэрчилгээг үзүүлэх, цахим орчинд байгуулсан зураг ашиглан хамгийн хямд үнийг санал болгож, түрээсийн гэрээг байгуулан иргэдийг залилах явдал их гарах боллоо.

Тухайлбал цагдаагийн байгууллагад өнгөрсөн жил 12,985 залилах гэмт хэрэг бүртгэгдсэнээс 629 нь байр орон сууц түрээслэнэ гэж иргэдийг залилсан байна. Иймээс энэ тал дээр анхааралтай байхыг цагдаагийн байгууллагаас анхааруулж байна.