Үндэсний аюулгүй байдал, үндэсний эрх ашигт бол ард түмний аж амьдрал, улс эх орны тусгаар тогтнол гэсэн үг. Төрийн гол үүрэг оролцоо үүнд чиглэх ёстой. Хуулийн төсөл боловсруулах шат шатны байгууллагууд Үндсэн хуулийг зарчимд тулгуурлах, ҮАБ-ын үзэл баримтлалд нийцүүлэх зорилгоор л дагаж мөрдөх хэм хэмжээг баримтлах шаардлагатай. Гэтэл энэ бүхнийг хянадаг систем бараг байхгүйтэй адил болжээ. Газар нутгийн аюулгүй байдалд харшлах хэмжээний төсөл УИХ-д орж ирчхээд нийгэмд шуугиан тарьж иргэний хөдөлгөөнүүдийн идэвхтэй эсэргүүцэлд хүргэж байна гэдэг нь УИХ-ын дархлаа сул байгааг илтгэнэ.

Нэг намын дарангуйлал нэгэнт тогтоод байгаа учраас ардчилал үнэндээ дутуу алсан могой шиг болчихсон. Шударга ёс , эрх чөлөөний тухай ойлголт өдөр ирэх тусам хумигдаж, ард түмэн хүлцэнгүй ноомойн туйлд хүрч байгаа учраас ийнхүү хуулийн цоорхойгоор шагайсан харийн эрх ашиг өнгөлзөх нь ойлгомжтой. Хилчин дайчдын хамгаалж чадах хил хязгаар эрх чөлөө тусгаар тогтнолоо үзэг барьсан урвагчдад алдах учиргүй.

Д.ЭНХБАТ