Их Британийн Ерөнхий сайд Риши Сунак ирэх Даваа гарагт нэг удаагийн электрон тамхи худалдаалахыг хориглох шинэ хуулийн төсөл танилцуулна гэж мэдэгдлээ. Нэг удаагийн электрон тамхийг хүүхэд залуус ихээр худалдан авч хэрэглэдэг тул ийм шийдвэр гаргах гэж байна гэж мэдээлсэн байна. Энэ шинэ хуулийн төслийг танилцуулснаар Их Британийн засгийн газраас урьд нь гаргаж байсан залуусын тамхины хэрэглээг багасгах тухай хуулийн төслийн саналыг баталгаажуулж, дэмжсэн хэрэг болж байна гэж шинжээчид тайлбарлаж байна.

Электрон тамхины шинэ хууль батлагдсанаар энэ төрлийн тамхины олон амт төрлийг хязгаарлах, сав баглаа боодлыг нь цулгуй, анхаарал татахуйц биш болгох зэрэг журам үйлчилж эхлэх юм байна. Их Британи улсад жил бүр хорт хавдраар өвчлөн нас барагсдын дөрвөн хүн тутмын нэг нь тамхинаас үүдэлтэй хорт хавдраар өвчилсөн байдаг байна.