Зудын нөхцөл байдал хүндэрсэн энэ үед нялх төлийг нэмэлтээр тэжээхийн тулд малчид сахартай цай болон, хуурай сүүгээр угждаг байна. Цас, зудтай энэ өдрүүдэд нялх төлийг угжиж тэнхрүүлж, байж мал болгодог аж. Үүнтэй холбоотойгоор хүнсний инженер О.Гал-Очир хугацаа нь дууссан хүүхдийн сүүний хандивын аян эхлүүлжээ.

Тэрээр "Хугацаа нь дууссан хүүхдийн сүү нялх төлд шим тэжээл болдог учраас сүүний хандивын аян эхлүүлж байна" гэлээ.

Ийнхүү нийслэлийн дараах гурван хэсэгт хугацаа нь дууссан хүүхдийн сүүг хүлээн авч байна:

• Зүүн бүс: Амгалан зах, 3 давхар, 327 тоот лангуу,
• Төвийн бүс: Дүнжингарав, Чухаг-2 хотхон,
• Баруун бүс: Sunday-2 худалдааны төв, В1 давхар, 72 тоот лангуунд хандивыг хүлээн авч байгаа аж.