Сонгууль ойртсоны хурц шинж тэмдгүүдийн шинэвтэр хувилбар болох УИХ-ын гишүүд, горилогч, улс төрчид хэн нэгний бүтээн байгуулсан жижиг дунд үйлдвэр завод, амьжиргаа, ажиллагаа сайтай малчин,тариаланчдынд очиж киноны зураг авалтын баг гарган өөрийгөө үйлдвэрлэл бүтээмжийг дэмждэг нэгэн болгож харагдуулахаар хичээх нь увайгүй харагдуулах ажээ. Бодлогын түвшний асуудлыг шийдвэрлэхэд манлайлах эрмэлзэлгүй хэрнээ ард түмний бүтээн босгох эрэлтийн сэтгэл зүйг ашиглан сонгуулийн оноо цуглуулах башир арга хэрэглэх нь зохимжгүй. Мөн хажуугаар нь элдэв байгаль, ахуйн гоо үзэмжийг ашиглан өөрийгөө оролцуулан сурталчилж элдэв ааш аяг үзүүлэн алиалах явдал ялангуяа эмэгтэй улстөрчдийн хувьд газар авчээ. Цахим орчин хөгжин буйтай зэрэгцээд сонгуулийн пи арыг энтертайментлаг байдлаар хүч түрэх оролдлого ихэссэн чухам эрх мэдэлд хүрээд ард түмэнд хайр зарлах “хүч тэнхээ” нь дуусчихгүй байгаа гэх бодол төрнө. Мөн гэнэт л хурга ишгэнд хайртай болж үнсэж үнгэх улстөрчдийн тэнэгрэл үргэлжилсээр байна. Гэхдээ ард түмэн ухаантай болсон, инээсэн бүхэн найз биш гэдгийг бодох цаг улам ойртсоор...