Эрх баригч нам 2020 оны сонгуулийн мөрийн хөтөлбөртөө боловсролын салбар дахь олон асуудлыг шийдвэрлэж, чанар хүртээмжид онцгой анхааран ажиллахын хажуугаар багш нарын нийгмийн асуудлыг цогцоор нь шийдвэрлэх олон амлалтуудыг тусгасан ч ихэнх нь биелэгдээгүй өдийг хүрчээ. Боловсролын салбарын уналт нь улс орны бууран доройтлын шалтгаан болсоор.

Наад зах нь үдийн цай хөтөлбөрийг сайжруулах амлалт тусгагдсан ч улсаас нэг хүүхдэд төсөвлөсөн 2400 төгрөгөөр хүүхдийн хэрэгцээт шим тэжээлийг нөхөх бололцоогүйн дээр тендерээр шалгарсан нийлүүлэгчид чанаргүй хоол хүнс нийлүүлдэг гэх мэдээлэл ч гардаг.

“Улсын хэмжээнд Ерөнхий боловсролын сургуулиудын 80 хүртэлх хувьд анги дүүргэлтийн стандартад нийцүүлэх” амлалт нь хэрэгжээгүй бөгөөд заасан хэмжээнээс тодорхой хувиар өндөр буюу нэг ангид 40-өөс дээш хүүхэд сурдаг байдал хэвээрээ.

Ийнхүү мөрийн хөтөлбөрт нь тусгагдсан хоёрхон заалтаас үзвэл тэд ард түмнийг хууран мэхэлж өдий хүрчээ. Төрд ажиллагсад, төрийн өндөр албан тушаалтнууд ард түмнээс албан ёсоор уучлал гуйх, хариуцлагаа үүрэх цаг иржээ. Учир нь худал мэдээлэл тараах, хуурч мэхлэх нь хуулиар хориотой гэмт хэрэг юм. Монгол Улсын Үндсэн хуулин хүн бүр хууль шүүхийн өмнө тэгш эрхтэй төдийгүй аливаа улс төрийн нам нийгэмд худал мэдээлэл тараах замаар УИХ-д сонгогдсон бол зохих хариуцлагаа үүрэх цаг иржээ