“Нийгмийн хариуцлагаа ухамсарласан, хараат бус, мэргэжлийн сэтгүүл зүйг төлөвшүүлэхэд дэмжлэг үзүүлэн, нийгмийг соён гэгээрүүлэх чиглэлд хэвлэл мэдээллийн байгууллагатай хамтран ажиллана” Гэж мөрийн хөтөлбөртөө бичих амархан ч амлалтаа хэрэгжүүлэхдээ ургаа хад шиг хандлагаар түрхэрэх эрх баригчдын увайгүй үйлдлүүд нүднээ ил байна. Нийгэмд шударгаар үг хэл үзэл бодлоо илэрхийлсэн сэтгүүлч байтугай жирийн иргэд хүртэл эрхээ зөрчүүлэн хууль шүүхийн хаалга татдаг байдал сүүлийн жилүүдэд улам бүр нэмэгдсэн. Олон улсын байгууллагуудын судалгаагаар Монголд ардчилалын үзүүлэлтүүд буурч дарангуйлал руу уруудаж буйн нэг голлох шалтгаан нь хараат бус сэтгүүлзүйг үл дээдлэн иргэний үг хэл үзэл бодлоо илэрхийлэх эрхэнд халдаж, шүүхийн шийдвэргүй баривчилдаг байдал гаарч байгааг анхааруулжээ.

Мөн өнгөрсөн 8 жилийн турш төрийн эрх мэдэлд ямар ч хазааргүй тонгочиж дээд зэргээр дураараа дургингаа хууль шүүхийн байгууллага руу хамаг буруугаа чихэж амжсан эрх баригч намын хүний эрх эрх чөлөөг дээдлэн хүндэтгэж бодлогоор ардчилал хүний эрхийн асуудлыг хөндөж тавьж бүх талын оролцоог хангах амлалтууд замхарч иргэнээсээ дүн өвлөөр эсгий, зуух хүртэл булаан зугтаж ардчилалыг баллуурдах үйлдэл үзүүлжээ.