Зохиолч нийтлэлч Р.Эмүжин өөрийн цахим хуудастаа "Гантөмөр өө, Гантөмөр өөөөө.

Гантөмөр өө, чи бүр дэндүү муу, дэндүү зориггүй, дэндүү их хамааралтай байлаа. Өчигдөр, өнөөдөр хоёр л амжаад чамайг албан тушаалаас чинь аваад шидчихэв гэж дээ, аймхай ч юм, алцгар ч юм. Өөрийн гэх толгой гэж байна уу, өнөө усандаа мэдүүлсэн үү? Ер нь энэ улс төрийн намууд даргаа сонгохдоо архи, хөнжил хоёроос хэр хамааралтайг нь судалж бай, суга нуга хүмүүс сугарсан, нугарсан хэвээрээ л байдаг юм байна. Сул байна, сураггүй байна, сульдаа байна.

Гэтэл АН-ын залуусын эрч хүч ямар билээ, яг гал шүү дээ. Лу.Гантөмөр гал дээр асгадаг ус байлаа. МАН түүхэндээ хамгийн муу рейтингтэй байгаа энэ алтан цаг үед чи тэрнээс ч доор байж болно гэдгийг харууллаа. Ганц зоригтой мэдэгдэл байхгүй, ганц зорилтот хөтөлбөр байхгүй, ганц зорилготой бодлого ч байхгүй өчнөөн хугацааг барлаа. Тэгсэн хэрнээ Дүнжингарав орчмын газар дээр ч, Боловсролын зээлийн сан дээр ч нэр нь чих халууцуулаад цогиод гараад ирнэ. Нүх олдвол шургадаг оготно, нүүдэл харвал дагадаг гөлөг юм уу, хаашаа юм. Чи сайндаа биш, монголчууд ардчилал эрх чөлөөнд хайртайдаа л шүүмжилж шүлс үсэргэхгүй өнөөг хүртэл тэссэн дээ.

Гэхдээ танай намаас Тулгатыг, Лодойсамбууг, З.Нарантуяаг...гялтайж байгаа хэдэн залуусыг нь дэмжинэ. Энэ намыг Элбэгдоржоос, Женко Баттулгаас салгаад урагшлаад өгөөч гэсэн болохоос эрээн алаг бөмбөг болгож байгаад, хийг нь шалчийтал гаргаатах гээгүй. Чамайг залуус чинь дэмжиж, нөгөөдүүл чинь дарамталж байсан биз дээ, чи дарамтнаас айж, дэмжлэгийг хаядаг хүн юм. Энэ намын залуусыг хошгируулж, залуу үеийн итгэл найдвараар золбин үеэ өнгөрөөгчдийг нь услаатах гээгүй шүү. Сонгуулийн дараа наад даргын ажлаа өөрийн сайн дураар өг дөө, өөр юу ч гэхэв. Монголын ардчилал чамтай хамт 60-аад оныхны цүнх баригч хийх учиргүй юм. Ёстой нээрээ, ганц сайн зодхымсон! Чи бүх цаг үед цүнх баригч хэвээрээ л үлдлээ! Чамд тамга байсан уу, байсан. Намын гэрчилгээ байсан уу, байсан, даргын суудал ч байсан. Юу дутав, зориг дутав, чадвар дутав. Бурхан чиний цүнх баригч сүнсийг өршөөг" гэжээ.