Баасан гарагт дэлхийн хэмжээний технологийн тасалдал нь олон салбарын үйл ажиллагааг тасалдуулж, агаарын тээврийн компаниуд нислэгээ зогсоож, зарим өргөн нэвтрүүлгийн үйл ажиллагаа, банк, эрүүл мэндийн салбарын үйлчилгээ хүртэл системийн асуудлаас болж тасалдахад хүрээд байна. 

АНУ-ын American Airlines, Delta Airlines, United Airlines, Allegiant Air компаниуд харилцаа холбооны асуудалтай холбоотойгоор нислэгээ зогсоожээ. 

"Гуравдагч талын програм хангамжийн тасалдал нь дэлхий даяар, тэр дундаа Юнайтедын компьютерийн системд нөлөөлж байна. Бид эдгээр системийг сэргээхээр ажиллаж байгаа ч бид бүх онгоцыг нисэх онгоцны буудал дээр нь түр хүлээлгэж байна" гэж Юнайтедын төлөөлөгч мэдэгджээ. Харин нэгэнтгээ агаарт хөөрсөн нислэгүүд зорьсон газар руугаа үргэлжилж байна.