Швейцарын Холбооны Улсын Ерөнхийлөгч Виола Амхерд Монгол Улсад төрийн айлчлал хийхээр хүрэлцэн ирлээ
Монгол Улсын Ерөнхийлөгч Ухнаагийн Хүрэлсүхийн урилгаар Швейцарын Холбооны Улсын Ерөнхийлөгч Виола Амхерд Монгол Улсад төрийн айлчлал хийхээр хүрэлцэн ирэв.
Ерөнхийлөгч Виола Амхерд болон дагалдан яваа төлөөлөгчдийг “Чингис Хаан” олон улсын нисэх онгоцны буудалд Гадаад харилцааны сайд Б.Батцэцэг, Швейцарын Холбооны Улсаас Монгол Улсад хавсран суугаа Онц бөгөөд Бүрэн эрхт Элчин сайд Юрг Бурри болон бусад албаныхан угтав.
Энэ айлчлал нь Швейцарын Холбооны Улсаас Ерөнхийлөгчийн түвшинд хийж буй анхны төрийн айлчлал бөгөөд хоёр улсын хооронд дипломат харилцаа тогтоосны 60 жилийн ойн хүрээнд хэрэгжиж буйгаараа онцлог юм.
Монгол Улс, Швейцарын Холбооны Улсын хооронд 1964 оны тавдугаар сарын 22-ны өдөр дипломат харилцаа тогтоосон бөгөөд найрсаг харилцаа, хамтын ажиллагаатай.
Эх сурвалж: Гадаад Харилцааны Яам
IKON.MN
(1).png)
.jpg)
Сэтгэгдэл
Хүсэл байлаа ч сачий хүрэхгүй. Хэцүү еэ, хө. [66.181.160.8] 2024-08-02 22:44:53
Монгол нь Швейцар шиг хараат бус улс болчихох САНАА байгаа л байх. Даан ч 2 хөрш мань ОХУ болон БНХАУ юмаа. Энэ 2 нь дэлхийн бусад улсаас өөр гадаад бодлоготой, Монголыг тэгэж галзүүруулахгүй байх. Иймд манайд санаа байлаа ч биелэх учиргүй юмдаа. Хөөрхийс.