Өчигдөр буюу 2024 оны 8-р сарын 12-ны өдөр УИХ-д төлөөлөлтэй гурван намын дарга нар хамтарсан Засгийн газрын гэрээнд гарын үсэг зурцгаав. Гэвч үдээс хойш УИХ дахь АН-ын бүлгийн гишүүд өөрсдийн цахим хаягаараа байр сууриа илэрхийлэхдээ АН-ын дарга Л. Гантөмөр нь намын бүлгээр хэлэлцүүлэлгүй шууд хамтарсан Засгийн газрын гэрээнд дур мэдэн гарын үсэг зурлаа гэх асуудлыг хөндөв. Тухайлбал УИХ-ын гишүүн Л. Мөнхбаясгалан: АН-ын бүлгийн гишүүд хамтарсан ЗГ ын үйл ажиллагааны хөтөлбөр , гэрээг хэлэлцээд сууж байтал АН ын намын дарга нар гүйж очоод Гэрээг батлаад гарын үсэг зурчихлаа … бүлэг эсрэг шийдвэртэй. Бид үүнийг хүлээн зөвшөөрөхгүй!!! Бүлэг хариуцлага хүлээхгүй... гэсэн бол УИХ-ын гишүүн Д. Цогтбаатар: Бүлгийн шийдвэр эцэслэж гараагүй байхад нөхөр Л.Гантөмөр гуай биднийг төлөөлж МАН даргатай гарын үсэг зурж байгаа нь бүдүүлэг байна !

Хаа хаанаа ёс зүйтэй баймаар байна шүү нөхдөө ! гэсэн бол УИХ-ын гишүүн Ө. Шижир: Хамтарсан засгийн газрын гэрээг Ардчилсан намын ҮБХ, УТЗ, намын бүлэг гээд намын шийдвэр гаргах эрх бүхий аль ч бүтцээр хэлэлцэж батлаагүй. Манай намын бүлгээр эцэслэж хэлэлцэж батлаагүй. Одоо бүлэг хуралдаж байна. Ардчилсан намын нарийн бичгийн даргын үүрэг гүйцэтгэгч болон бүлгийн дарга хүртэл энэ гэрээн дээр эцэслэж санал өгөөгүй гэж бүлэг дээр ярилцаж байхад гэрээг нь зурж байдаг. Арай дэндүү байна шүү. Энэ гэрээг АН-н ажлын хэсгийн гишүүдэд 13:46 минутанд өгөөд бүлэг 15:00н цагаас зарлаад одоо ч хуралдаж байна уг нь…. Хурлын эхэнд бүлгийн дарга О.Цогтгэрэл ОХУ-н сайд ирсэн учир намын дарга Лу.Гантөмөр чөлөө хүсэж байна гэж танилцуулсан. Гэтэл юун гадаад уулзалт, зочин хэхэ хэлэлцүүлж дуусаагүй, санал аваагүй гэрээгээ зурж байж… АН-с сонгогдсон их хурлын гишүүд уг нь агуулга, заалт тус бүрээр нь ингээд хэлэлцэж байсан юмсан...Гэжээ.

Ардчилсан намын дарга Л. Гантөмөрийн хувьд намынхаа жагсаалтын нэгт бичигдэж УИХ-ын гишүүнээр сонгогдоод байгаа. Хэрвээ бүлгээр хэлэлцүүлэлгүй намын даргын байр сууриар хамтарсан Засгийн газрын гэрээнд гарын үсэг зурсан бол цаашид ямар асуудлууд хөндөгдөхийг таашгүй.