2024 оны 4-р сар

Хэвлэл мэдээлэл, цахим орчинд иргэд Улаанбаатар хотын замын бордюр солих ажил эхэлж зам дагуу өрсөн маш олон бордюрын зураг бичлэг нийтэлж жил бүр зам засварын ажил хийх нэрийдлээр бордюр сольдог нь үр дүнгээ өгөхгүй байгааг шүүмжилж эхлэв.

Тухайлбал ETV телевизийн бордюр сольж эхэлснийг мэдээллэсэн бичлэгийн доод талд иргэдийн бичсэн сэтгэгдэл юу өгүүлж байгааг дараах линкээр орж харж болно

Линк https://www.facebook.com/ETVNewsAgency/videos/309561395271491 Иргэн Жамсрандорж Бумбаа

зүгээр боридурыг авч хаяад оронд нь насгүй хогын Боридуур тавиад зам нь эвдрээд байгаашд. төсвийн мөнгө нийлж цавчсан хэдэг дарга нарын хулгай.энэ боридуыг өөр газар аваачиж тавиад бөөн мөнгө иддэг. Хэмээн бичжээ.

2024 оны 8 сарын 27 Хотын дарга Х. Нямбаатар: Х.Нямбаатар: 35 тэрбумаар замын хашлага сольж байгаа гэдэг нь худлаа мэдээлэл

Стандартад нийцүүлж бордюр солих ажил хийгдэж байгаа. MNS стандартыг шинэчлээд өгвөл заавал бордюр солих шаардлагагүй

8. р сарын 29 ergelt.mn

“...Нэг гэр бүлийн 3 компани 9 байршлынх нь тендерт ялсан. Тэгвэл Хотын дарга Х.Нямбаатарт хаяглах ноцтой нэг баримт байна. Замын хөгжлийн газраас энэ онд нийслэлийн 17 байршлын гол болон туслах авто замыг 37 тэрбум төгрөгөөр засаж, шинэчилж байгаа гэж мэдэгдсэн. Өөрөөр бол, тэдгээр 17 байршлын авто замыг асфальтаар хучиж шинэчлэх ажлын хүрээнд бордюрыг нь солих ажиллагаа давхар явж буй. Тэгвэл тухайн 17 байршлын авто замыг асфальтаар хучиж, бордюрыг нь сольж шинэчлэх тендерт ялсан компаниудыг шүүж үзлээ. Хамгийн ноцтой нь, нэг гэр бүлийн гурван компани есөн байршлынх нь тендерт ялчихсан байх ажээ. Зам засаж, бордюр солихоос гадна хотын төвийн хог цэвэрлэгээ, халтиргаа гулгааны давс бодисны тендерүүдийг алддаггүй юм байна. Илүү ноцтой нь, тухайн гэр бүлийн хоттой холбогдсон зам засвар, бордюр, хог цэвэрлэгээ, давс, бодисны бизнесүүдийг нь хөвөрдөж хөөхөөр эцсийн цэгт Улаанбаатар хотын Ерөнхий менежер бөгөөд Захирагчийн ажлын албаны дарга асан Д.Ганболдтой холбогдох ажээ. Хотод тендерийн хулгай, бордюрын бизнес байхгүй гэж яс гүрийж байгаа Хотын дарга Х.Нямбаатар үүнд ямар тайлбар өгөх бол...”

Хэмээн бичиж байв.

9 сарын 11.

Х.Нямбаатар: Х.Баттулга, З.Энхболд нар гаднын тавиул, туршуул маягаар Монголд ажилладаг, З.Энхболд шөнийн цагаар явж, чулуун бордюрийг хагалж цохьчихоод явсан гэх мэдээлэл бий. Хэмээн өөрөө лайвдаж, хэвлэлийнхэнд ч ийм агуулгаар ярилцлага өгсөн юм.

9-р сарын 18

УИХ-ын дарга, гишүүн асан З.Энхболд хотын дарга Х.Нямбаатарыг нэр төрд халдаж гүтгэсэн гэх үндэслэлээр цагдаагийн байгууллагад шалгуулах хүсэлт гаргаж, мэдээлэл өглөө.

УИХ-ын дарга, гишүүн асан З.ЭНХБОЛД:

-Хотын дарга Х.Нямбаатар иргэн З.Энхболд миний нэрийг удаа дараа дуудаж гүтгэлээ. Замын бордюр солих ажил дээр нь хэл ам гараад байгаа юм байна. Х.Нямбаатарын яриад байгаа цаг үед би Өвөрхангайд мод, зүлэг тариад авч байсан. Өвөрхангайгаас наашаа сунадаг алх байдаггүй юм бол тэр бордюрыг хагалах ямар ч боломжгүй.

Хоёрдугаарт, гадаадын туршуул гэж гүтгэлээ. Өөрийнх нь хэлсэн хоёр үгээр эрүүгийн хуулийн 13.14 дугаар зүйлийн дагуу шалгаж өгөөч хэмээн Хан-Уул дүүргийн хоёрдугаар хэлтэст хандаж байна. Гадаадын аль улсын туршуул гэж байгааг би ойлгоогүй. Эрдэнэс Тавантолгойг хулгайлах гээд байсан Монгол, Хятадын хамтарсан бүлэглэл байгаа. MSC, Элбэгдорж гэсэн нөхөд бид зөндөө олох орлогоо алдлаа гэж гомдол ярьдаг. Х.Нямбаатар түүний нэг болчхоод гомдоод байх шиг байна.

Би гадаадын туршуул биш. Монголын ард түмэнд Эрдэнэс Тавантолгойг үлдээснээс өөр хийсэн хэрэг байхгүй. Би есдүгээр сарын 11-ний өглөө Өвөрхангай аймгийн Уянга сумаас лайв хийж энд явж байна, юу яриад байгаа юм, уучлалт гуй гэсэн. Одоо хүртэл Х.Нямбаатар уучлалт гуйгаагүй. Зургаан хоног өнгөрөхөд уучлалт гуйгаагүй учраас цагдаад гомдол гаргаж байна.

Х.Нямбаатар энд ирж намайг бордюр хагалсан, гадаадын аль улсын туршуул гэдгийг батлах ёстой. Чадахгүй бол ялаа авна. Наранцацралт агсан, Э.Бат-Үүл хоёрыг эс тооцвол хэдэн зуун засаг дарга МАН-аас сонгогдож байсан. Гэтэл одоо энэ хотоо хар л даа. Сонгуулиас нэг хоёр сарын өмнө зам засаж байгаа юм шиг дүр үзүүлсэн. Авсан бордюрыг нь татвар төлөгчийн хувьд байнга шүүмжилж байгаа. Үүний төлөө намайг хагласан гэж гүтгэж байгаа нь төрийн өндөр албан тушаалтан хүний хувьд ёс зүйгүй үйлдэл гэлээ.