Доналд Жон Трамп 1946 оны 6 сарын 14 төрсөн) нь Америкийн Нэгдсэн Улсын 45 дахь Ерөнхийлөгч. АНУ-ын 2016 оны Ерөнхийлөгчийн сонгуульд Бүгд найрамдах намаас нэр дэвшиж, Төрийн нарийн бичгийн дарга асан Хиллари Клинтонтой өрсөлдөж, тус сонгуульд 2016 оны 11 сарын 8-ны өдөр ялалт байгуулж сонгогдоод, 2017 оны 1 сарын 20-ноос 2021 оны 1 сарын 20 хүртэл бүрэн эрхээ хэрэгжүүлсэн. Бүгд Найрамдах Намын гишүүн.

Трамп 1968 онд Пенсильванийн Их Сургуульд эдийн засгийн ухааны бакалаврын зэрэг хамгаалсан. Түүний аав 1971 онд Трампаар гэр бүлийн үл хөдлөх хөрөнгийн бизнесийг хариуцуулах болжээ. Трамп үүнийг "Trump Empire" болгон өөрчилж, тэнгэр баганадсан барилга, зочид буудал, казино барих, шинэчлэх чиглэлээр компанийн үйл ажиллагаагаа өргөтгөсөн байна. 1990-ээд оны сүүлчээр хэд хэдэн бизнес нь бүтэлгүйтсэний дараа тэрээр Трамп хэмээх нэрээ бренд болгон, бусад бизнесийн салбарт орж эхэлжээ. 2004-2015 онд тэрээр "The Apprentice" телевизийн реалити цувралыг хамтран бүтээж, хөтлөгчөөр нь хүртэл ажиллаж байжээ.

Трамп 2016 оны ерөнхийлөгчийн сонгуульд Бүгд найрамдах намаас нэр дэвшиж Ардчилсан намаас нэр дэвшигч Хиллари Клинтоныг ялж байв.

Тэрээр "COVID-19" цар тахлын эсрэг удаан хариу үйлдэл үзүүлж, эрүүл мэндийн ажилтнуудын олон зөвлөмжийг үл тоомсорлож, эсэргүүцэж, туршилтын ажилд хөндлөнгөөс оролцохын тулд улс төрийн дарамт шахалт үзүүлж, нотлогдоогүй эмчилгээний талаар ташаа мэдээлэл тараасан хэмээн буруутгагдаж байв. Мөн Трамп Хятадтай худалдааны дайн эхлүүлсэн гэдэг.

Трамп 2020 оны ерөнхийлөгчийн сонгуулиар Байденд ялагдсан. Тэрээр Ардчилсан намыг сонгуулийн өргөн хүрээг хамарсан луйвар хийсэн хэмээн мэдүүлж, сонгуулийн дүнг хүчингүй болгохыг тухайн үед шаардаж байв. 2021 оны 1-р сарын 6-нд тэрээр дэмжигчдээ АНУ-ын Капитол руу жагсахыг уриалж байв.

Албан тушаалаа өгснийхөө дараа Трамп Бүгд найрамдах намын ажлаа үргэлжлүүлж, 2024 оны ерөнхийлөгчийн сонгуульд дахин нэр дэвшиж, ялалт байгуулна хэмээн амлаж байлаа.

Трамп 2024 оны ерөнхийлөгчийн сонгуульд Бүгд найрамдах намаас нэр дэвшиж Ардчилсан намаас нэр дэвшигч Камала Харрисыг ялж, ялалт байгуулсан нь 1893 онд ерөнхийлөгч агсан Гровер Кливлендээс хойш хоёр дахь удаагаа дараалан ялалт байгуулсан анхны ерөнхийлөгч болж буй юм. Хэвлэл мэдээллийн байгууллагууд түүнийг ер бусын эргэн ирэлт хийлээ гэж тодорхойлж байна.

Тэрээр 1997 онд Словени гаралтай Меланиа Кнаусстай хамтран амьдарч, 2004 оны 4 сард сүй тавьж, 2005 оны 1 сарын 22 нд гэрлэжээ. Тэдний дундаас 2006 оны 3 сарын 20-нд Баррон гэх хүү мэндэлсэн байна. Трамп 5 хүүхэд, 8 ач зээтэй ажээ.