Нийслэлд Д.Сүхбаатарын талбайгаас “Скай ресорт” цанын бааз руу нэмэлтээр нийтийн тээвэр явуулж эхэллээ.

Сурагчдын амралт эхэлсэнтэй холбоотой иргэдээ цэвэр агаарт амарч, зугаалах нөхцөлийг бүрдүүлж, НИТХ-аас санаачлан "Сүхбаатарын талбай-Скай ресорт", "Офицеруудын ордон-Тэрэлж” чиглэлд нэмэлт автобус явуулж эхэллээ.

Тус чиглэлийн автобус 10:00 цагт Сүхбаатарын талбайгаас зорчигчдоо хүлээн авч дээрх чиглэлд үйлчилгээ үзүүлж байна. Иргэд Офицеруудын ордноос Тэрэлж чиглэлд зорчих бол том хүн 2300, хүүхэд 1200 төгрөгөөр, Сүхбаатарын талбайгаас “Скай ресорт” чиглэлд том хүн 1000, хүүхэд 500 төгрөг төлж зорчино.