Ахмадын үндэсний чуулган чуулж байна

Д.Тулга / Улстөр

Улсын Их Хурлын дарга Д.Амарбаясгалангийн ивээл дор Ахмадын үндэсний чуулган өнөөдөр (2024.01.08) Төрийн ордонд эхэллээ. Улсын Их Хурал, Гэр бүл, хөдөлмөр, нийгмийн хамгааллын яам, монголын ахмадын холбоо хамтран зохион байгуулж буй үндэсний чуулганд 900 орчим ахмад настан оролцож буй юм.

Ахмадын үндэсний чуулганыг Улсын Их Хурлын дарга Д.Амарбаясгалан нээж үг хэллээ. Тэрбээр, ахмад настны нийгмийн асуудлыг өнөөгийн нөхцөл байдал, ирээдүйн хандлагын үүднээс иж бүрэн, цогцоор нь харж шийдэхийн тулд тэдний эрүүл мэнд, тэтгэвэр тэтгэмж, хөдөлмөр эрхлэлт, идэвхтэй амьдрал болон нийгмийн оролцоо, эрхийг хамгаалах асуудлуудыг нэн түрүүнд анхаарч ажиллах шаардлагатайг онцолж, чиг үүргийн яамд болон холбогдох бүх шатны байгууллага, албан тушаалтанд хуулиар хүлээсэн үүргээ ягштал биелүүлж ажиллахыг анхааруулав.

Чуулганы үдээс өмнөх хуралдаанд Улсын Их Хурлын гишүүн, Нийгмийн бодлогын байнгын хорооны дарга Л.Энхнасан энэ оны нэгдүгээр сарын 01-нээс хэрэгжиж эхлээд байгаа Ахмад настны тухай хуулийн нэмэлт, өөрчлөлтийн тухай, Улсын Их Хурлын гишүүн, Засгийн газрын гишүүн, Гэр бүл, хөдөлмөр, нийгмийн хамгааллын сайд Л.Энх-Амгалан ахмад настны талаар хэрэгжүүлж байгаа бодлого, арга хэмжээ, цаашдын зорилтын тухай, Улсын Их Хурлын гишүүн Ж.Чинбүрэн эрүүл мэнд, эм хангамжийн тухай тус тус танилцуулна. Мөн Монголын ахмадын холбооны ерөнхийлөгч Ц.Сүхбаатар Ахмад настны тухай хуулийн хэрэгжилтийг хангахад ахмадын байгууллагуудын оролцоо, хамтын ажиллагааны талаар илтгэл тавих юм.

Үндсэн илтгэлүүдийн дараа “Сайн туршлага, идэвхтэй оролцоо: Ахмад үе ба хөдөлмөрийн зах зээл” сэдэвт панел хэлэлцүүлэг болох бөгөөд үүнд Их Хурлын гишүүн Ж.Чинбүрэн, Гэр бүл, хөдөлмөр, нийгмийн хамгааллын яамны Төрийн нарийн бичгийн дарга Л.Мөнхзул, Эрүүл мэндийн яамны Стратеги төлөвлөлтийн газрын дарга П.Оюунцэцэг, Боловсролын яамны Төрийн нарийн бичгийн дарга Х.Батжаргал, Ахмадын хөдөлмөр эрхлэлтийг дэмжих нэгдсэн холбооны тэргүүн Г.Атармаа нар панелистаар оролцоно.

Үндсэний чуулганы үдээс хойших хуралдаанд Эрүүл мэндийн болон Гэр бүл, хөдөлмөр, нийгмийн хамгааллын яамны холбогдох албаны хүмүүс тухайн салбаруудын бодлого, шинэчлэл, ахмад настанд үзүүлэх эрүүл мэндийн тусламж үйлчилгээ, идэвхтэй насжилтыг дэмжих болон асаргааны хувилбарт үйлчилгээний тухай танилцуулах юм. Түүнчлэн ахмад настны эрхийг хангах болон ахмадын байгууллагуудын үйл ажиллагааны талаар үндэсний чуулганд оролцогчдын төлөөллөөс илтгэл, танилцуулга хийнэ.

Үндэсний чуулганаас оролцогч ахмад настнуудын саналд үндэслэн зөвлөмж гарна гэж Улсын Их Хурлын Хэвлэл мэдээллийн газраас мэдээллээ.


Сэтгэгдэл

Зочин [66.181.183.200] 2025-01-12 14:33:56

Ианай эндээс нөгөа дарга гэх өвгөн хэдэн хвгай дагуулаад очсон байх. Очоод тэнд юу ярих билээ дээ чааваас. Парга нар ирэхэнд дагаж сажилдаг, өөрийгөө магтаж бхлайг авдагаа чрьж битгий нүд өолоосой.

Иргэн [103.212.118.148] 2025-01-10 17:22:01

Жирийн ахмадуудыг оруулсангүй дээ ахмадуудын нэрийг барьж илүү дутуу юм тоншдог хэдэн юмнууд очиж

Зочин [202.126.91.17] 2025-01-10 08:21:36

Тийм шүү.Анхан шатны байгууллагууд нь баг,хороо,хэсгийн нийт армадуудаа хамарч ажилладаггүй харин тодорхой цөөн хүний л хүрээлэлд үйл ажиллагаа явагдаад өнгөрчихдөг.Мэдээлэл сурталчилгаа муутай байдаг нь илэрхий харагддаг.Энэ байдалдаа бодит дүгнэлт хийх хэрэгтэй.

Зочин [66.181.160.72] 2025-01-10 13:03:01

Тийм шүү

Гантөмөр. Улсад 30 жил бага ангийн багшаар тасралтгүй ажилчихаад 787 мянган төгрөгийн тэтгэвэртэй. [202.9.41.20] 2025-01-09 21:08:40

Улсад 30 жил бага ангийн багш хийчхээд800мянган төгрөгийн тэтгэвэртэй эм амьдралд хүрэхгүй байгаа анхаарч үзмээр байна 30 сарын тэтгэмж бидэнд өгөөгүй шүү

Үндэсний чуулган [103.212.119.95] 2025-01-09 18:15:51

Нэг хүнд оногдох малаараа Орчлонд байхгүй малтай.Ахмадуудын идэх махны үнэ.сүү,цагаан идээний хүртээмж байхгүй,тэтгэвэр нь үнийн өсөлтөнд нэрмэгдсэн байна. Бид идэх мал,сүү цагаан идээгээ өөрсдөө фермерийн аж ахуйн чиглэлээр баг суманд харъяалалаараа бэлтгэх арга хэмжээ авч болно. Монголын мах,сүү цагаан идээнд зах зээлийн үнэ тогтоож ,малчидыг татварын бодлогод хамруулж юм үзүүлж сургах хэрэгтэй.Бидний тэтгэврийн дундажаар бог мал хонь ямааг 180.0 мян.төг.бод мал үхэр адууг 800.0 мян.төг ийн үнэ тогтоож энэ үнээр борлуулах 10 хувийн татвар төлдөг,үүнээс дээш өндөр үнээр борлуулж байгааг 100.0 хувь татварт авдаг болгомоор байна. Зам дагаж хөгжил гэж ярихдаа биш жижиг хот тосгодыг амралт сувилал.,буудлын зориулалтаар бий болгож хүн оршин амьдрах орчин нөхцөл бүрдүүлэх шаардлага байна даа хөгшид минь .бодлого боловсруулагчид минь..

Зочин [202.126.88.176] 2025-01-09 16:58:44

1072 huvitsaa ezemshij baigaad burhnii orond yavj bga ahmaduud irgediin huvitsaag ur huuhduuded ni ovluulj ogmoor bna. Mon nogdol ashgiig ni ur huuhded ni olgoh heregtei shu de ene talaar shiidverlej ogoh heregtei

Ahmaduud [202.126.88.176] 2025-01-09 16:55:42

Ahmaduud ifotekiin zeeld hamragddag boloh heregtei bna. Ahmaduudad jdu shig huu bagatai hongolttei zeel olgodog baimaar bna. Iim l chuhal asuudluudiig heregjuulmeer bna

тогтох [202.21.100.210] 2025-01-08 15:44:47

Энэ ахмадууд нь орон нутагтаа очоод зөвлөгөөний шийдвэрийг сайн сурталчилж, үүн дээрээ ахмадуудын тэтгэвэрийн зөрөөг арилгах ....гэх мэт асуудлуудад оновчтой зөв шийдвэр гаргахад анхаарайсай даа

иргэн [66.181.184.21] 2025-01-08 15:09:16

Төрийн ажил хийчихээд урамшуулал аваагүй ахмадууд цөөн байна аа Анхаармаар тэр бүр ажил хийж чадах уу Гол нь урамшуулал тэтгэвэрийн инфляцийн зөрүүг шударгаар гаргачихмаар Яг ижил алба хийж ижил жил ажилласан хүн одоо гарахдаа олон сая төг урамшуулал авч гардаг тэтгэрийн зөрүү сая төг байна Ийм л юмнаас эхлэх хэрэгтэй

Иргэн [59.153.113.65] 2025-01-08 14:08:35

Жинхэн жириын Амадуудийг оролцуулах хэрэгтэй шдээ.!!!!!!! Хэдэн дарга хийн байсан олон ахмадуудаа оролцуулчихаад - яг амьдрал дээр хааж ахмадийн Эрх зөрчигдөж байгааг мэдэх үү.???????их хуралд 4 жил би ард иргэдийн өмнөөс ажилчихаад дараа Тэтгэмж нэхдэг хүн армад уу?????? 30 - 40жил ажилаад Тэтгэвэрт 500 төгрөгөөр Үнэлэгдээд ядууруу орох нь Арамад ууи аль нь вэ ?????!!!!!! Худалаа зөвөлгөө бүү хий Үнэн сэтгэл гаргаж жинхэн ахмадуудаа хүрч үйлчил !!!!!!!!!!!


11 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
11 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.