АНУ-ын Ерөнхийлөгч Дональд Трамп Орос-Украины дайныг зогсоох зорилготой “эцсийн санал” бүхий энхийн төлөвлөгөө танилцуулсан тухай "Axios" агентлаг онцгой эх сурвалжийн мэдээллээс эш татан мэдээлэв. Трампын санал болгосон төлөвлөгөөний хүрээнд:

Орос улс дараах зүйлсийг хүлээн авна: Крымийн хойгийг Оросын газар нутаг хэмээн АНУ-аас албан ёсоор хүлээн зөвшөөрөх Донецк, Луганск, Херсон, Запорожьегийн зарим хэсэгт Оросын хяналтыг дефакто хүлээн зөвшөөрөх.

Украин хэзээ ч НАТО-д элсэхгүй гэсэн заалт бүхий амлалт 2014 оноос хойш АНУ-аас ногдуулсан бүх хоригийг бүрэн цуцлах, Эрчим хүч ба аж үйлдвэрийн салбарт АНУ-Оросын шинэ хамтын ажиллагаа эхлүүлэх,

Украин улс дараах зүйлсийг хүлээн авна: АНУ ба бусад орнуудаас бүрдсэн эвслээс аюулгүй байдлын баталгаа авах, Харьков мужийн зарим хэсгээс Оросын цэргүүдийг татан гаргах, Днепр мөрөн дээрх чөлөөтэй усан замын эрх,

Их хэмжээний сэргээн босголтын тусламж ба дайны хохирлын нөхөн төлбөр, Запорожье дахь цөмийн цахилгаан станцыг хууль ёсоор эзэмших эрх, АНУ-ын менежмент дор Украин-Оросын хамтарсан эрчим хүчний хандалтыг хангах.

Энэхүү төлөвлөгөө ширүүн эсэргүүцэлтэй тулгарч байна. Украины удирдлагууд үүнийг Оросын талд хэт ашигтай гэж үзэж байгаа бол АНУ-ын Төрийн нарийн бичгийн дарга Марко Рубио, тусгай төлөөлөгч Стив Виткофф нар Лондонд болж байсан энхийн хэлэлцээг орхин, Москва руу тусдаа хэлэлцээ хийхээр зорьсон байна. Энэ нь Барууны эв нэгдэлд эргэлзээ төрүүлэхүйц үйл явдал болж байна.

Эх сурвалж: AXIOS, THE TIMES, HUFFPOST
Орчуулсан Ц.БУЯНЦОГТОО