Өнгөрсөн намрын орон нутгийн сонгуулиас хойш Булган аймгийн улс төр тогтворгүй байлаа. Сонгуулийн үр дүнгээр МАН 15, АН 14 суудал авч хүч тэнцсэн. Улмаар МАН Д.Пүрэв-Очирыг Засаг даргад нэр дэвшүүлсэн нь хууль зөрчсөн үйлдэл болж өнөөдрийг хүртэл маргаантай байсан юм. Тэгвэл МАН-аас ИТХ-д Баяннуур тойргоос нэр дэвшсэн Л.Одончимэг намынхаа хууль бус үйлдлүүдийг хүлээн зөвшөөрч чадахгүй хэмээн намаасаа түдгэлзэж АН-ын бүлэгтэй хамтран ажиллахаар болсон. Ийнхүү АН Булган аймагт олонхийн байр суурийг авч ИТХ-аа өчигдөр хуралдуулсан байна. Хурлын 100 хувийн саналаар АН-ын ИТХ-ын төлөөлөгч Ж.Ганболдыг ИТХ-ын даргаараа томилж Ардчилсан нам удирдлагыг аваад байна. Удахгүй ИТХ нь дахин хуралдаж Засаг дарга томилох асуудлыг хэлэлцэх товтой байна.