2025 оны дөрөвдүгээр сарын 29-ний өдөр болох үйл явдлын
товч мэдээллийг хүргэж байна.

09:30 цагт:

“Дэлхийн хүний эрхийн төлөв байдал Монгол дахь тусгал” хэлэлцүүлэг Новотелд болно.

9:40 цагт:

“Шүүхийн цахимжуулалт ба хэвлэл мэдээлэл” санал солилцох уулзалт ШЕЗ-ийн байранд болно.

11:00 цагт:

Монголын Үндэсний номын санд хэрэгжиж буй “Бүтээлч байгаль” төслийн танхимын нээлт болно. Холбогдох утас: 98111719, 88867578

11:30 цагт:

Юргана индастри ХХК-иас монгол орны бүс нутаг бүрийн хөрс, усны онцлогт тохирсон шүдний 00-г судалгаанд суурилан хөгжүүлж хэрэглэснээр ард иргэдийн 95 хувьд тархаад байгаа шүд цоорох өвчлөлийг 50 хувь хүртэл бууруулж, урьдчилан сэргийлэх бүрэн боломж байгаа талаар Үндэсний мэдээллийн төвд мэдээлэл өгнө.

12:00 цагт:

Зураач Б.Баярт-Одын “Баян Монгол” уран бүтээлийн үзэсгэлэнг Монгол Уран зургийн галерейд нээнэ.

БУСАД

-Монгол Улсын Их Хурлын дарга Д.Амарбаясгалангийн урилгаар БНСУ-ын Үндэсний Ассамблейн дарга Ү Вон Шиг Монгол Улсад дөрөвдүгээр сарын 26-30-нд албан ёсны айлчлал хийж байна.

-Гадаад харилцааны сайд Б.Батцэцэг Испанийн Хаант Улсын Гадаад хэрэг, Европын холбоо хамтын ажиллагааны сайд Хосе Мануэль Албарэсийн урилгаар хийж буй албан ёсны айлчлал үргэлжилж байна.

-Дархлаажуулалтын долоо хоног орон даяар үргэлжилж байна.

Орон нутагт:

-Сэлэнгэ аймагт 2025 оны хугацаат цэргийн албаны нэгдүгээр ээлжийн татлага энэ сарын 29-нийг дуустал үргэлжилнэ.

Хилийн чанадад:

-Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.

-Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна.

Э.ЭГШИГЛЭН