УИХ-ын чуулганы өнөөдрийн хуралдаанаар дараах дөрвөн асуудлыг хэлэлцэхээр төлөвлөөд байв.

1. Зээлийн мэдээллийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн тогтоолын төсөл /УИХ-ын гишүүн Э.Батшугар 2024.12.25-нд өргөн мэдүүлсэн, анхны хэлэлцүүлэг, үргэлжилнэ/
2. Жагсаал, цуглаан хийх эрх чөлөөний тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /Засгийн газар 2025.01.24-ний өдөр өргөн мэдүүлсэн, хэлэлцэх эсэх, үргэлжилнэ/
3. Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнийг томилох, чөлөөлөх тухай асуудал
4. Монгол Улс дахь хүний эрх, эрх чөлөөний байдлын талаарх 24 дэх илтгэлийг хэлэлцэнэ

УИХ дахь АН-ын бүлгийн дарга О.Цогтгэрэл чуулганы хуралдаанаар хэлэлцэхээр төлөвлөсөн эхний гурван асуудлаар гурав хоногийн завсарлага авах хүсэлтэй байгаагаа илэрхийлсэн юм.

УИХ-ын дарга Д.Амарбаясгалан УИХ дахь АН-ын бүлэгт нэг хоногийн завсарлага өглөө. Ингэснээр УИХ-ын чуулганы үдээс өмнөх хуралдаан өндөрлөв. Үдээс хойш 14.00 цагаас Монгол Улс дахь хүний эрх, эрх чөлөөний байдлын талаарх 24 дэх илтгэлийг хэлэлцэнэ.