Монгол Улсад 2025 оны тавдугаар сарын 5-наас 11-ний өдрүүдэд
болох үйл явдлын товч мэдээллийг хүргэж байна.

-Монгол Улсын Ерөнхийлөгч У.Хүрэлсүх ОХУ-ын Ерөнхийлөгч В.В.Путины урилгаар Москва хотноо 2025 оны тавдугаар сарын 9-нд болох Аугаа их Эх орны дайны ялалтын 80 жилийн ойн баярт оролцоно.

Улаанбаатарт:

5 дугаар сарын 5-нд: УИХ дахь МАН, АН-ын бүлгийн хуралдаан болно.

5 дугаар сарын 5-7-нд: “Дулаан байшин” амины орон сууцны нээлттэй өдөрлөг Д.Сүхбаатарын талбайд болно.

5 дугаар сарын 7-нд: Засгийн газрын ээлжит хуралдаан Төрийн ордонд болно.

5 дугаар сарын 8-нд: Монгол Улсад Хүүхдийн байгууллага, хөдөлгөөн үүсэж хөгжсөний 100 жилийн ойн үзэсгэлэн Соёлын төв өргөөнд гарна.

5 дугаар сарын 8, 9-нд: УИХ-ын чуулганы нэгдсэн хуралдаан Төрийн ордонд болно.

5 дугаар сарын 10-нд: Бүх нийтээр мод тарих үндэсний өдрүүд тохиож байна.

5 дугаар сарын 10-нд: “Дугуйтай Улаанбаатар-2025” олон нийтийн өдөрлөгийг төв талбайд зохион байгуулна.

-"Үндэсний бичиг-Өв соёл" тусгай үзэсгэлэн Монголын Үндэсний музейн үзэсгэлэнгийн танхимд энэ сарын 12-ныг хүртэл гарч байна.

- “Амьд ертөнцийн спектр” сэдэвт биологийн тусгай үзэсгэлэн Чингис хаан Үндэсний музейд зургаадугаар сарын нэгнийг хүртэл үргэлжилж байна.

-Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо хамтран 6 дугаар сарыг дуустал Яармаг дахь “IC Park”-т 60 хоногийн турш ойжуулалт, цэцэрлэгжүүлэлтийн “Модлог гарден экспо” үзэсгэлэн худалдаа зохион байгуулна.

Орон нутагт:

5 дугаар сарын 5-7-нд: Завхан аймгийн бүжгийн спортын аймгийн аварга шалгаруулах “Show dance-2025” тэмцээн болно.

5 дугаар сарын 6-нд: Орхон аймагт “Хойд бүс-Эрдэнэт 2025” эдийн засгийн форумыг зохион байгуулна.

5 дугаар сарын 6-нд: Дундговь аймгийн Сагсан бөмбөгийн холбооноос аймгийн ЗДТГ-тай хамтран "Спортын сэтгэл зүй" сургалт зохион байгуулна.

5 дугаар сарын 9, 10-нд: Сэлэнгэ аймгийн Зүүнбүрэн суманд “Сэлэнгэ аймгийн бүсийн уралдаан-2025”-ыг зохион байгуулна.

-Сэлэнгэ аймгийн Нийтийн номын сангаас Үндэсний бичиг, соёл номын өдрүүдийг угтан бүх насны иргэдийн дунд Мийм бүтээх цахим уралдааныг 5 дугаар сарын 1-20-ныг хүртэл зарлалаа.

Хилийн чанадад:

5 дугаар сарын 6-16-нд: АНЭУ-ын Аль-Айн хотод шатрын насанд хүрэгчдийн Ази тивийн аварга шалгаруулах тэмцээн болно. Тус тэмцээнд Монголын шатарчид оролцоно.

Япон Улсын “Осака Кансай”-д үргэлжилж буй “Дэлхийн экспо-2025” Монгол Улсаас 10 гаруй компани оролцож байна.

Чехийн Үндэсний музейд “Чингис хаан” олон улсын үзэсгэлэн 6 дугаар сарын 22-ныг хүртэл гарч байна.

Э.ЭГШИГЛЭН