Чингэлтэй дүүргийн 24-р хороо, Сүхбаатар дүүргийн 15, 17-р хорооны нутаг дэвсгэр, Шадивлан зуслангийн авто замаас Дамбадаржаа хүртэлх авто замыг шинэчилж эхэлжээ.

Нийслэлийн Замын хөгжлийн газраас мэдээлснээр, энэ хүрээнд Шадивлан зуслангаас Петровис ШТС хүртэлх 2.7 км урт авто замыг энэ сарын 7-ны өдрийн 01:00 цагт хааж, асфальт бетоноор хучих юм байна.

Улмаар тус авто замыг тавдугаар сарын 15-ны 06:00 цагт нээнэ. Иймд иргэд жолооч нарыг бусад замыг сонгон хөдөлгөөнд оролцохыг хүсэв.