Замын хөдөлгөөний удирдлагын төвөөс хичээлийн шинэ жил эхлэх гэж байгаатай холбогдуулан нийслэлд тээврийн хэрэгслийг ажлын өдрүүдэд улсын дугаарын тэгш, сондгойгоор ангилан бүсчлэл харгалзахгүй хөдөлгөөнд оролцуулах эсэх талаар санал авч байна.

Иргэд саналаа https://vote.ulaanbaatar.mn/citizen/survey линкээр орж, энэ сарын 24-ний өдрийг дуустал өгөх боломжтой юм.

Улаанбаатар хотод өнгөрсөн оны эцсийн байдлаар бүртгэлтэй тээврийн хэрэгсэл ойролцоогоор 804 мянга байжээ. Нийслэлийн замын хөдөлгөөний ачаалал өнгөрсөн жилүүдэд тогтмол ихсэж, тэг зогсох эрсдэл өндөр болжээ.

Б.ЖАРГАЛ