Монгол Улсын Үндсэн хуулийн цэцийн 2025 оны 10 дугаар сарын 22-ны өдрийн их суудлын хуралдаанаар Монгол Улсын Их Хурлын дэд дарга, гишүүн Х.Булгантуяагийн үйл ажиллагаа болон Монгол Улсын Их Хурлын чуулганы 2025 оны 10 дугаар сарын 17-ны өдрийн нэгдсэн хуралдаанаас гарсан “Монгол Улсын Ерөнхий сайдыг огцруулах тухай” 95 дугаар тогтоол нь Монгол Улсын Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэж, 08 дугаар дүгнэлтийг гаргасан билээ. Үүнтэй холбоотойгоор Засгийн Газрыг огцруулсан шийдвэр хүчингүй болсон ба одоо Монгол Улсын Их Хурлын дэд дарга, гишүүн Х.Булгантуяад хариуцлага тооцох асуудал үлдээд буй. Энэ нь хуулийн зохицуулалттай ажээ.

Тодруулбал Монгол Улсын Их Хурлын чуулганы хуралдааны дэгийн тухай хуулийн 85.17-д Үндсэн хууль зөрчсөн албан тушаалтныг энэ хууль болон холбогдох хуульд заасны дагуу шийдвэрлэж гэж заасан байна. Энэ нь ажлын тав хоног буюу долоо хоног байх аж.

Дашрамд дурьдахад 85.1.7 дээрх "Цэцийн шийдвэрийг хүлээж авсан бол" гэдэг томъёолол нь дунд суудлаар хэлэлцсэн тохиолдолд хамаарна. Их суудлын шийдвэрийг УИХ хүлээж авах эсэх тухай асуудал яригдахгүй, зөвхөн албан тушаалтанд хариуцлага тооцох тухай асуудал өрнөх юм байна.