МАН-ын Удирдах зөвлөлийн хурал улс төрийн нөхцөл байдалтай холбогдуулан өргөтгөсөн байдлаар хуралдаж байна.

Хурлын өмнө Ерөнхий сайд асан, МАН-ын дарга асан С.Баяр хуралдаа оролцохоор иржээ.

Тэрбээр "Хөдөө байж байгаад хуралд дуудагдаад ирж байна. Би хуваагдаад байгаа хоёр талыг эвлэрүүлэхээр хичээл зүтгэл гаргасан. Бүтэж өгөхгүй байна. Хичээл зүтгэл гаргасан, одоо бол санаа зовмоор л байна. Нэг намын асуудал цаашаа хальсаар байгаад энэ чинь төр рүү, төрийн хямрал руу орж байна. Тийм учраас зөвхөн нэг намын хүрээнд ярих биш, төр засаг, сүүлдээ Үндсэн хуулийн Цэц оролцоод эхэллээ шүү дээ. Тиймээс энэ асуудлыг улс орны хөгжилд хохиролгүйгээр, зөвшилцлөөр шийдэх ёстой" гэв.