Сүхбаатар дүүргийн III хорооны нутаг, ХААН банкны байрны эсрэг талд орших “Cante” шөнийн цэнгээний газарт өнгөрсөн наймдугаар сарын 18-наас 19-нд шилжих шөнийн 03:45 цагийн орчимд зодоон болж, нэг залуу хүнд гэмтсэн хэрэг гарсан.

Уг хэргийн улмаас “Таванбогд” группийн захирал Ц.Баатарсайханы хүү, “Говь” ХК-ийн Гүйцэтгэх захирал Б.Амарсайханыг Интерполоор эрэн сурвалжилж, улмаар Тайландаас баривчлан, Монголд авчирсан билээ.

Энэхүү зодооны хэрэгт Б.Амарсайхан болон Э.Тэмүүлэн, П.Санжаачойпэл, Л.Алтан-Очир нар холбогдсон. Б.Амарсайханыг батлан даалтад гарган, гадуур шалган байцааж байгаа бол бусдыг нь цагдан хорих 461 дүгээр ангид саатуулан шалгаж буй юм.