Увсын Засаг даргаар Э.Насанбатыг батламжлуулахаар өргөн мэдүүлнэ
Увс аймгийн ИТХ-ын ес дэх удаагийн сонгуулийн ээлжит 10 дугаар хуралдаанаар тус аймгийн Засаг даргад нэр дэвшүүлэх асуудлыг хэлэлцжээ.
Тус аймгийн Засаг даргад МАН-аас Э.Насанбат, АН-аас Д.Цэндсүрэн нар нэр дэвшиж, санал хураалтын дүнгээр Э.Насанбат нийт төлөөлөгчийн 53.1 хувийн санал авсан байна.
Түүнийг Увс аймгийн Засаг даргаар батламжлуулахаар Монгол Улсын Ерөнхий сайдад өргөн мэдүүлэхээр тогтжээ.
Э.Насанбат нь өмнө аймгийн ИТХ-ын дарга, ЗДТГ-ын Санхүү, төрийн сангийн дарга зэрэг алба хашиж байсан аж.
Тус хуралдаанаар нөхөн сонгуулийн тов зарлах, сонгууль зохион байгуулах сонгуулийн хорооны бүрэлдэхүүнийг батлах, орон нутгийн зарим төрийн байгууллагын түүхт ойн товыг тогтоох, орон нутгийн өмчтэй холбоотой асуудлыг шийдвэрлэх зэрэг нийт найман асуудлыг хэлэлцсэн байна.
Увс аймгийн ИТХ-ын 35 төлөөлөгчийн 17 нь МАН-аас, 15 нь АН-аас, үлдсэн хоёр нь бие даагч сонгогдон ажиллаж байгаа бөгөөд хуралдаан 97 хувийн ирцтэй явагджээ.
Тус аймгийн Бөхмөрөн суманд нөхөн сонгууль болох юм байна.
.jpg)
Сэтгэгдэл