Ховд аймаг дахь Захиргааны хэргийн анхан шатны шүүхэд өнөөдөр Б.Чойжилсүрэнг УИХ-ын гишүүнээс эргүүлэн татах эсэхийг шийдвэрлэх шүүх хурал болох байсан ч хойшиллоо. Гэвч шүүх хурлыг тодорхой шалтгааны улмаас ирэх дөрөвдүгээр сарын 2-ны өдөр хүртэл хойшлууллаа.

Уг нь хоёр талын өмгөөлөгч Улаанбаатар хотод байгаа, Ховд аймагт болох шүүх хуралд биеэр оролцох боломжгүй гэсэн тул шүүх хурлыг Шүүхийн Ерөнхий зөвлөлийн байранд цахимаар явуулахаар болоод байсан билээ.

Сануулахад, 2016 оны УИХ-ын ээлжит сонгуулийн Увс аймаг дахь 31 дүгээр тойрогт МАН-аас нэр дэвшсэн Б.Чойжилсүрэн нь санал авах зорилгоор Улаанбаатар хот болон бусад орон нутгаас “царцаа” зөөж сонгогдсон эсэхийг шүүх хурлаар хэлэлцэх юм.

Б.БУРМАА