Мал аж ахуйн бүтээгдэхүүний зах зээлийн дундаж үнийн мэдээллээр 2019 оны нэгдүгээр сард үхрийн хоёр метрээс дээш урттай ширний дундаж үнэ Улаанбаатар хотод хамгийн их буюу 17.0 мянган төгрөгийн үнэтэй байгаа аж. Төв аймагт хамгийн бага буюу 8.0 мянган төгрөг, бусад аймагт 9.0-15.0 мянган төгрөг байна. Адууны ширний дундаж үнэ Улаанбаатар хотод хамгийн их буюу 16.0 мянган төгрөг, Дорнод аймагт хамгийн бага буюу 7.0 мянган төгрөг, бусад аймагт 7.5-10.0 мянган төгрөг байна.

Хонины ноостой нэхийний дундаж үнэ Улаанбаатар хот, Баян-Өлгий, Дундговь аймагт хамгийн их буюу 2.0 мянган төгрөг, бусад аймагт 0.5-1.5 мянган төгрөг байна. Ямааны ноолууртай арьсны дундаж үнэ Говь-Алтай аймагт хамгийн их буюу 41.5 мянган төгрөг, Баян-Өлгий аймагт хамгийн бага буюу 20.0 мянган төгрөг, бусад аймагт 32.4-41.0 мянган төгрөг байна.

Ямааны цагаан ноолуурын нэг килограммын дундаж үнэ Улаанбаатар хот, Завхан аймагт хамгийн их буюу 90.0 мянган төгрөг, Сүхбаатар аймагт хамгийн бага буюу 45.0 мянган төгрөг байна.