ММСУХ-ноос гурван жилд нэг удаа зохион байгуулдаг Монголын шигшмэл хурдан морьдын “Их хурд-8” уралдаан, Монгол туургатны морьтны өв соёлын наадам үргэлжилж байна.

ММСУХ энэ удаагийн “Их хурд” уралдааны үеэр морьтны соёлын бүхий л үнэт зүйл болох Адуучин тэмцээн, Гийнгоо марзайн улсын уралдаан, сайхан хос морьтны тэмцээн, жороо морины уралдаан, хуйрнан шуугигч хүүхдийн барилдаан, нутаг нутгийн сайхан айраг шалгаруулах “Айраг фестиваль” зэрэг, шашны зан үйл зэрэг олон төрлөөр өргөн дэлгэр зохион байгуулж байна.

Өнөөдөр болсон “Айраг фестиваль”-ийн үеэр айрганд дуртай наадамчин олныхоо дунд “Хэн айраг сайн уух вэ” тэмцээн зохион байгууллаа. Айраг уух дуртай, хамгийн их уураг ууж чадна гэсэн 20 хүн уг тэмцээнд оролцсоноос Булган аймгийн Сайхан сумын харьяат А.Хишигжаргал, Улаанбаатар хотын Баянзүрх дүүргийн иргэн н.Даваасүрэн, Улаанбаатар хотын Чингэлтэй дүүргийн иргэн н.Батмөнх нар эхний гурван байрт шалгарлаа. Айраг хамгийн сайн ууж шилдэгээр шалгарсан Булган аймгийн Сайхан сумын иргэн А.Хишигжаргал долоон хул аяга айраг ууж шилдгийн шилдгээр шалгарлаа. Монгол наадам цогцолборын хамт олноос эдгээр шилдэгүүдэд батламж, дурсгалын зүйл, мөнгөн шагнал гардуулсан юм.