МАН-ын Удирдах зөвлөл өнөөдөр сонгуулийн хуулийг ямар хувилбараар УИХ-д хэлэлцүүлэх талаар хуралдаж, томсгосон 26 тойрогт 76 хүн өрсөлдүүлж УИХ-ын 2020 оны сонгуулийг явуулах нь зүйтэй гэсэн шийдэлд хүрчээ. Энэ тухай УИХ-ын гишүүн Д.Оюунхорол сая мэдэгдлээ. Том тойргийн тогтолцоо асар их мөнгөний сонгууль болдог. 2008 оны сонгуульд зарцуулсан мөнгөө олж авахын тулд Оюутолгойн гэрээг байгуулсан гэх яриа ч үүний баталгаа болох биз. 2008 онд УИХ-ын сонгуулийг яг энэ тогтолцоо буюу томсгосон тойрог можаритори системээр явуулахад Улаанбаатар тэр чигтээ цэнхэртэж, Ардчилсан намынхан гарч ирж байсныг Ардын намын удирдлагууд мартсан бололтой. Улаанбаатарын томсгосон тойрог ардчилагчдад тун ээлтэй байдаг. Чухамдаа өөрсдөдөө халтай өрөөлд ээлтэй сонгуулийн тогтолцоог Ардын намын удирдлагууд сонголоо гэж улстөр судлаач, сонирхогчид жиргэж эхэлсэн нь ортой үг биз ээ.